Ofis ləvazimatlarını necə düzgün əldə etmək olar?

Həm büdcəyə uyğun, həm də işçi heyətini qanə edəcək ofis ləvazimatlarını almaq kifayət qədər mürəkkəb işdir. Lakin bu məsələyə düzgün yanaşdıqda, ehtiyacı və alış mütəmadiliyini hesablayaraq həm müdriyyət, həm də işçi heyətini məmnun etmək mümkündür.

Bundan əlavə, güvəndiyiniz təchizatçı seçimi də önəmlidir ki, qiymət və keyfiyyətin optimal nisbətini təmin etsin və çatdırılma müqaviləsini tərtib etsin. İlk olaraq ofis üçün lazım olan ləvazimatlara real ehtiyacı işçi heyətinin fəaliyyətindən asılı olaraq analiz etmık gərəkdir. Hətta, gərək olan məhsulların siyahısını tərtib etməyi də onlara tapşırmaq olar.

Tələbatdan asılı olaraq il ərzində bir-iki dəfə və ya mütəmadi alınmalı ofis ləvazimatları siyahısına aşağıda qeyd olunan məhsulları əlavə etmək olar:  

• Sənədləri saxlamaq, sistemləşdirmək və sıralamaq üçün qurğular: qovluqlar, xüsusi qablar, qutular və s.;
• Orqanayzerlər, ofis ləvazimtları üçün stolüstü qurğular;
• Uzunmüddət istifadə edilə biləcək ofis ləvazimatları: xətkeşlər, qayçılar;
• Dəlgəclər, steplerlər, tel sökənlər;
• Gündəliklər;
• Kalkulyatorlar.

Bu siyahılar standartdır, onları konkret ofis üçün düzənləmək lazımdır. Bəzi hallarda işçilərə əlavə ləvazimatlar da lazım ola bilər, məsələn, ofis bıçağı, cildləmə işləri üçün dəstlər və s.